Detaje të reja kanë dalë në dritë në lidhje me krimin në familjen në Shkodër, ku Fadil Bandulla qëlloi me armë zjarri bashkëshorten e tij Sanije Bandulla, 83 vjeçe dhe më pas veten. Burime për media bëjnë me dije se çifti ka pasur konflikte prej kohësh me njëri-tjetrin, ndërsa policia po heton për zbardhjen e rrethanave të plota të kësaj ngjarje të rëndë.
Gjithashtu, thuhet se vajza e çiftit ka qenë ajo që ka lajmëruar komshinjtë për humbjen e kontakteve, ndërkohë që këta të fundit kanë marrë policinë e cila ka zbuluar krimin e rendë që kishte ditë që kishte ndodhur.
Mësohet se qytetarët kalonin duke mbuluar hundën për shkak të erës së rëndë që vinte nga banesa e çiftit Bandulla. Policia dhe grupi hetimor ndodhen në vendin e ngjarjes dhe po punojnë për zbardhjen e plotë të rrethanave të këtij krimi të rëndë.