Noizy dhe Dafina Zeqiri do të bëhen sërish bashkë. Zënkat mesa tyre mesa duket janë sheshuar, dhe ata kanë filluar t’a ndjekin sërish njëri tjetrin në rrjetet sociale.
Pas bashkëpunimit të fundit me titull ‘A don love’, dyshja i shkëputën marrëdhëniet e tyre, dhe nuk u panë më bashkë. Por tashmë një bashkëpunim mes Dafinës dhe Varrosit, anëtarit të ‘OTR’, bëri bashkë edhe dy artistët.
Burime pranë ‘Prive’ kanë zbuluar se bashkepunimi i tyre do mbajë titullin ‘Ring Ring’, dhe xhirimi i klipit ka përfunduar. Kënga është gati dhe me siguri do të jetë një hit i padiskutueshëm, edhe për faktin se Noizy dhe Dafina i kanë zgjidhur mosmarrëveshjet. Ata ndiqen sërish në rrjetet sociale, e mbase mund të kemi një tjetër bashkëpunim nga dyshja.
