Sekretari i Përgjithshëm dhe anëtari i kryesisë në Partinë Demokratike, Flamur Noka ka reaguar për arrestimin e Ilir Metës. Noka shkruan se ndalimi i makinës në forcën e aksionit blic është një shfaqeje e turpshme teksa e cilëson këtë vendim si urdhër politik nga qeveria. Për të populli opozitar do të qëndrojë i bashkuar përballë diktaturës së mafias.
Postimi i plotë
Jo vetëm arrestimi, por ndalimi në rrugë i automjetit në formën e aksionit blic, është një shfaqje e turpshme për Policinë e Shtetit, që zbaton me përpikmëri urdhërat politikë të kryeministrit-prokuror. E turpshme për Shqipërinë dhe qytetarët shqiptarë që ish-Presidenti dhe ish-Kryeministri i vendit të tyre të tërhiqet me forcë nga maskat e narkoshtetit.
Edi Rama, pasi nuk ia doli të likuidojë PD-në, synon eliminimin politik të Partisë së Lirisë. Zgjedhjet po afrojnë dhe Rama kërkon që #shqiptarët të mos kenë alternativa e ai vetë të mos ketë kundërshtarë.
Të gjitha do t’i kthehen mbrapsht. Populli opozitar do të qëndrojë i bashkuar përballë diktaturës së mafias. Narkoshteti i Ramës do shembet para syve tanë. Dy drejtuesit kryesorë të opozitës janë arrestuar me urdhër të Ramës. Të përballemi me të gjitha forcat! Mosbindje civile deri në fund!