Zyrtarisht nuk ka folur vetë Rudina Hajdari, kryetarja e grupit të ri parlamentar demokrat në Kuvend për krijimin e një partie të re, që do të quhet “Bindja Demokratike”, por në një status në Facebook, ajo jep edhe sqarimet e para.
Ajo thotë se do të ishte një iniciative për t’u gëzuar krijimi i një alternative të re, “të vërtetë dhe shpresëdhënëse që ka për qëllim interesin publik, përfaqësimin qytetar dhe një politik-bërje të re me standarte perëndimore”.
Lexo edhe- A e mbështet Hajdarin grupi parlamentar në partinë e re? Murrizi: S’më tërheq njeri prej hunde
Por deputetja Hajdari thotë se personalisht nuk ka dhënë asnjë deklarim apo të ndërmarrë një iniciativë lidhur me këtë. “Ajo që më bën përshtypje në kushtet e “psikiatrisë politike” ku jemi futur është fakti që personalisht, pa dhënë asnjë deklarim apo pa ndërmarrë asnjë iniciativë lidhur me këtë, më cilësojnë si kryesuse të një forumi të ri që po krijohet, por nga kontaktet që zhvilloj anë e mbanë vendit, dhe kudo ku ka shqiptarë të ndershëm, duke respektuar dhe festat e Pashkëve, nuk jam shprehur më parë”, shkruan kryetarja e grupit parlamentar demokrat.
“Pak ditë më parë, në deklarimin që bëra në Parlament, shpreha vullnetin e grupit që kryesoj dhe ky do të mbetet angazhimi im kryesor. Natyrisht, në rrugëtimin që kemi nisur, prania e demokratëve të ndërshëm dhe gjithë atyre që aspirojnë një demokraci të vërtetë, do të jenë mbështetja e jonë. Shqiptarëve u duhet “një elitë e re politike” dhe ne e konsiderojmë një obligim parësor, përgatitjen e një formule të përshtatshme përfaqësimi politik, në mënyrë që deputetët dhe të zgjedhurit t’i caktojnë qytetarët dhe jo kryetarët e partive. Ka shumë modele që mund ta realizojnë këtë qëllim, që nga sistemi i pastër mazhoritar, e deri tek ai proporcional kombëtar me lista të hapura nëpërmjet të cilave shpresojmë të nxjerrim jashtë të gjithë elementët e korruptuar që vijnë nga bota e krimit, që me drejtimin e mazhorancës qeverisëse, e kanë futur vendin në një drejtim pa shpresë dhe të ardhme”, vijon statusi i Rudinës.
Megjithatë mbetet ende e paqartë, nëse “Bindja Demokratike” do të krijohet si parti, dhe nëse ndodh, Rudina Hajdari lë të kuptojë se nuk do të jetë ajo kryetarja.
Lexo edhe- Partia e re e Rudina Hajdarit, mblidhen 3 mijë firma, të martën në Gjykatë. Ja posti i Patozit