Ardit Çuni ishte banori që u largua javën e kaluar nga shtëpia më e famshme në Shqipëri, dhe për eleminim e tij, ai e ka të qartë ‘fajtoren’: Fifi. Sipas Arditi, ishte ajo që e penalizoi, kur zëvendësoi Granitin me të, për ta nxjerrë në nominim përballë Donaldit.
Sot në “Shqipëria Live”, këngëtari përsëriti edhe një herë zhgënjimin nga mikja e tij.
“Kjo është pafytyrësi. Nuk është lojë. Një njeri nuk e shet veten për çmim. E prisja që të zëvendësonte Granitin, por jo me Donaldin. Një njeri që ka dashurinë më të vogël për ty, nuk e bën një gjë të tillë. Nuk mund ta bënte në fillim”, tha Arditi me tone të ashpra.
Ai tha se i mungojnë shumë të gjithë banorët, mes tyre edhe Beniada.
“Do doja që ti thoja që më ka marrë shumë malli. Nuk e prisja që do të mërzitej aq shumë. Madje u shqetësova dhe kur dola i thashë Arbanës se çfarë ndodhi me Beniadën. E kemi lënë që do njihemi jashtë. Këto ditë po shmang video të postuara mes meje dhe Beniadës që kanë një muzikë trishtuese dhe po mundohem t’i shmang”, tha këngëtari.
Sa i përket fitores, tha se në finale shkon Arjola, Iliri, Donaldi dhe Fifi por sipas tij fitues do të jetë Iliri.