Këngëtarja shqiptare, Bebe Rexha ka treguar se lidhjet e saj të dashurisë kanë qënë shumë të shkurta. Gjatë intervistës së saj me revistën ‘Healthy’ ajo ka treguar se për momentin është e fokusuar tek projektet dhe se nuk ka asnjë në zemrën e saj.
Duket se ka qënë fama ajo e cila ka ndikuar që ajo të heqë dorë nga meshkujt. Kështu është shprehur Bebe teksa është pyetur në lidhje me romancat e mundshme me meshkujt e njohur.
“Unë mendoj se të qenit e famshme i ka frikësuar shumë meshkujt. Shumë herë, ata duan një vajzë që është e butë dhe e rezervuar dhe kjo nuk jam unë. Unë nuk kam filtër. Dua të them atë që dua. Nuk kam kohë për drama”, ka thënë Bebe për revistën.
Këngëtarja ka treguar se po vijon të punojë për projektet e reja muzikore që pret t’i publikoje së shpejti në tregun muzikor.