Fjoralba Ponari, përveçse një vajzë shumë e bukur dhe me një zë kaq të adhurueshëm, na tregoi vite më parë kur konkurroi në “The Voice of Albania” se ishte e lindur për televizion.
Brenda pak kohësh asaj ju besuan një sërë programesh në Top Channel, si: “The Voice”, “Procesi sportiv”, “Ora e Tiranës”, “E diell”, duke u kthyer në një prej figrava më të dashura për publikun shqiptar.
Si e tillë, fansat kanë dëshirë që ta shohin në një program totalisht të sajin. Në një bashkëbisedim që moderatorja ka realizuar me fansat në Instagram, është pyetur “ Kur do marrësh një emision vetëm tëndin? Je shumë e përgatitur!”
Në fakt diçka e tillë duket se ka qenë në planet e bukuroshes bjonde, por jo gjithmonë gjërat ecin siç i planifikojmë dhe këtë e dimë të gjithë.
“Këshu sikur kishim ca plane për këtë sezon po s’na eci”– ka shkruar Fjoralba duke lënë të kuptojmë se për ta parë në një emision totalisht të sajin duhet të presim edhe pak.
E teksa për këtë gjë mund të tregohemi të durueshëm, sepse mund të ndjekim në “E diell” çdo të dielë, një gjë për të cilën nuk mund të presim edhe shumë është bashkëpunimi i saj me Lyrical Son.
Kujtojmë se Fjoralba është nën menaxhimin e reperit të njohur MC Kresha dhe pak kohë më parë nëpërmjet një fotoje nga studioja ku shfaqej me Lyrican Son na bëri me dije se do vijnë në një bashkëpunim, por ende nuk ka një datë publikimi.
Po ashtu, sezonin e kaluar në “E diell” zbuloi për publikun shqiptar se me Kreshën po punojnë edhe për një album, por ende nuk kemi një datë zyrtare.