Fotini 43-vjeç dhe farmacisti 32-vjeçar Ioannis Zonitsas u vranë tragjikisht në Greqi nga një shqiptar i cili ishte ish-partneri i 43-vjeçares. Shqiptari fillimisht qëlloi mbi farmacistin, duke e goditur atë me një hanxhar në kokë dhe duke i copëtuar kafkën aq sa nuk njihej. Ai më pas iu drejtua gruas 43-vjeçare, e cila nuk reagoi për shkak të tronditjes. Shqiptari u përpoq ta godiste në kokë, por dështoi fillimisht. Sapo gruaja i ra në gjunjë duke bërtitur nga dhimbja, shqiptari filloi ta godiste në kokë si dhe i preu arterien kryesore. Mediat në Greqi raportojnë se i dyshuari kryesor për vrasjen e dyfishtë në Loutraki ishte arratisur në Shqipëri.
Sipas policisë, i dyshuari kryesor ishte arrestuar dhe dënuar për grabitje dhe drogë. Tre vjet më parë ai u lirua nga burgu dhe kishte një lidhje me Fotinin. Ai ishte shumë xheloz ndaj saj dhe kur ata u divorcuan, disa muaj më parë, ai filloi të bënte kërcënime.“Ose unë ose askush” mësohet se i ka thënë shqiptari gruas.
45-vjeçari, ndërsa po përpiqej të shpëtonte, u arrestua nga policia në Agrinio. Ata e kontrolluan atë dhe menjëherë më pas e lanë të lirë pasi vrasja brutale nuk ishte zbuluar ende. Më shumë gjasa, shkruajnë mediat, ai arriti të kalonte kufirin për në Shqipëri, ku edhe mendohet se u strehua.