Në ceremoninë e dorëzimit të Kupës së Botës, Leo Messit iu vesh një pelerinë tradicionale arabe nga emiri i Katarit. E quajtur “bisht”, kjo pelerinë përdoret nga burrat vetëm në raste shumë të veçanta dhe kapiteni i Argjentinës, i veshur me të, ngriti në qiell Kupën e Botës.
Ahmed Al Barwani, një avokat nga Omani i ka ofruar Messit 1 milion $ për “bishtin”. “Miku im, Messi. Të përgëzoj për fitoren. Po të ofroj 1 milion dollarë që të më japësh atë “bisht”, shkruan në Twitter avokati.
Në një intervistë për “The National”, burri nga Omani tha se e do “bishtin” që ta mbajë në shtëpinë e tij si relikt. Për momentin, Leo Messi nuk i ka kthyer përgjigje.