Kombet e Bashkuar shprehin shqetësimin për tensionin në rritje mes Prishtinës e Beogradit, teksa bëjnë thirrje të dy vendeve të përmbahen në lëvizjet që mund të rrezikojnë më tej situatën në terren.
Sekretari i Përgjithshëm i OKB-së, Antonio Guterres thotë në një raport për Kosovën se këto tensione nidkojnë negativisht në mundësinë e një dialogu produktiv mes dy vendeve.
Sipas tij, problemi më i madh në marrëdhëniet midis Kosovës dhe Serbisë është taksa prej 100 për qind për produktet nga Serbia dhe Bosnja dhe Hercegovina, e vendosur në nëntor nga autoritetet e Kosovës.
Raporti i ri i OKB-së mbi Kosovën i është dorëzuar ambasadorëve të shteteve anëtare të Këshillit të Sigurimit në një kohë kur ende nuk dihet nëse Kosova do të jetë në rendin e ditës së mbajtjes së sesionit të veçantë për Kosovën, për shkak të kundërshtisë që ka ardhur nga vendet perëndimore.