Gazetarja Dorjana Bezat ka bërë publike detaje nga operacioni i SPAK për zbërthimin e skemës së mashtrimit përmes postës elektronike, të një grupi kriminal.
Ky grup vitet e fundit i ka shkaktuar vendit një dëm prej rreth 4 milion euro.
Personat e përfshirë në këtë skemë nëpërmjet pajisjeve elektronike ndërhynin në porositë online dhe më pas u dërgonin të interesuarve e-maile në dukje origjinale në mënyrë që më pas dërgesat të kalonin tek adresa e tyre dhe jo tek ajo origjinale.
Për të përfunduar gjithë këtë proces, personat në fjalë kishin hapur 17 kompani fantazmë të regjistruara në QKR të cilat po hetohen teksa ishte Prokuroria e Tiranës që falë disa denoncimeve për blerje fiktive u vu në lëvizje dhe nisi hetimet nga viti 2020.
Deri më tani janë arrestuar 2 shqiptarë dhe 2 kamerunas, kurse 8 të tjerët në kërkim janë të gjithë të huaj. Gjithsesi dyshohet se në këtë skemë të jenë përfshirë më shumë persona.