Victor Osimhen “braktis” Napolin në një moment kyç të këtij fillim sezoni. Sulmuesi nigerian pësoi një dëmtim gjatë sfidës kundër Liverpool duke dalë nga fusha ende pa u mbyllur pjesa e parë.
Vizitat mjekësore kanë zbuluar një tërheqje e gradës së dytë në bicepsin femoral të këmbës së majtë. Osimhen pritet të rikthehet në tetor, pas ndërprerjes së kampionatit.
Napoli ka bërë me dije se Osimhen ka nisur menjëherë terapinë, por në çdo rast, nuk do të jetë i pranishëm në dy sfidat e radhës në Serie A kundër Spezia-s dhe kundër Milanit. Nigeriani nuk do të jetë i pranishëm as në sfidën e radhës në Champions League kundër Rangers.