Pa imunitetin e deputetit, lideri historik i demokrarëve, Sali Berisha iu drejtua protestuesve që e prisnin në oborrin e jashtëm të Parlamentit. Në fjalën e tij përballë qytetarëve që ishin mbledhur për ta mbështetur, Berisha tha se kjo ditë, 21 dhjetor 2023, është një ditë frymëzimi për t’u ngritur në protestë kundër kësaj qeverie, që e quajti si “narkoshtet”.
“Kjo është një përpjekje që dëshmon tmerrin që kanë ata zot nga ju, tmerrin që kanë nga opozita e vërtetë. Ato mendojnë se duke vepruar si sot, ne do biem në qetësi, kam bindjen se kjo ditë do jetë ditë frymëzimi, një ditë që do ju rikujtojë atyre se misioni i tyre është o sot o kurrë, të përmbysim diktaturën, regjimin e krimit, ju jeni dëshmitar se prej muajsh ne kemi denoncuar me fakte, dokumente dhunimin e tmerrshëm të zgjedhjeve”, tha Berisha.
Lexo edhe :
Related Posts
Cila është procedura që ndiqet pas votimit në Kuvend? Një korrier i Kuvendit, paraqitet në SPAK dhe dorëzon të protokolluar vendimin e marrë nga pushteti legjislativ në sencën plenare të ditës së sotme (21 dhjetor). Pasi SPAK njoftohet zyrtarisht dhe njihet me relacionin e Kuvendit, i drejtohet Gjykatës së Posaçme, konkretisht gjyqtares Irena Gjoka për të kërkuar zëvendësimin e masës së sigurisë nga detyrim paraqitje dhe bllokim pasaporte, në masën arrest me burg apo arrest shtëpie. Pas vendimit të gjykatës, agjentët e BKH dhe policia e shtetit ekzekuton vendimin për arrestin e Berishës.