Flamengo arriti të fitonte Kupën Libertadores mbrëmjen e djeshme, duke mundur në finale River Plejtin me rezultatin 2-1. Deri në minutat e fundit, skuadra e Riverit po fitonte teksa një dygolësh i Gabigolit ka arritur të përmbysë rezultatin duke i dhënë fitoren brazilianëve që si trajner kanë portugezin Horge Jezus.
Trajneri portugez po bën një punë mjaft të mirë me Flamengon duke fituar edhe titullin kampion në Brazil ndërkohë që ndihmës ka një tjetër portugez dhe bëhet fjalë për Marsio Sampaion. Ndihmës trajneri portugez nuk është një emër i padëgjuar në Shqipëri duke qenë se dikur trajnonte Partizanin.
Në shkurtin e vitit 2014, ai mori drejtimin e Partizanit pasi u largua Hasan Lika dhe në krye të stolit të kuq qëndroi 12 ndeshje. Më pas, vendin e tij e zuri Shpëtim Duro dhe Sampaio ishte ndihmës i teknikut Duro. Në sezonin 2014-15, Partizani e mbylli kampionatin në vendin e tretë dhe shkoi deri në çerekfinalet e Kupës së Shqipërisë.