Cristiano Ronaldo është rikthyer tek Manchester United, pas më shumë se 10 vitesh.
Ylli portugez u largua nga Juventusi pas tre sezonesh, me Manchester United që pagoi 15 milionë euro plus 8 të tjera që do të paguhen në formë bonusesh.
Mirëpo, kthimi solli me vete disa kushte, jo vetëm ekonomike apo sportive, siç pritet nga një lojtar i klasit botëror si portugezi. Kërkesat e lidhura me dietën u shtuan gjithashtu, megjithëse kjo çështje ka shkaktuar pakënaqësi tek disa nga bashkëlojtarët e tij. Sipas “The Sun”, portugezi i ka imponuar menunë kuzhinierit të Manchester United, por disa nga pjatat e tij nuk i kanë pëlqyer pjesës tjetër të ekipit. Në fakt, media britanike shton më shumë detaje dhe zbulon disa nga këto pjata. Njëra prej tyre është “bacalhu”, një pjatë portugeze me vezë dhe merluc, gjithashtu edhe me oktapod, tradicionale në vendin e origjinës së Ronaldos.
Disa ditë më parë, kur Cristiano debutoi me Manchester United, portieri i tretë i skuadrës, Lee Grant, zbuloi disa nga ndryshimet e tjera që portugezi synon lidhur me dietën, siç është largimi i ëmbëlsirës të premten mbrëma.
Kërkesa të drejta apo “teka yjesh”? Mesa duket, lojtarët e United mendojnë se rasti i Ronaldos, është kjo e dyta…
