Vendimi për të ndaluar grumbullimet në vende të mbyllura apo të hapura do të qëndrojë në fuqi deri në darë 29 nëntor.
Vendimi është marrë ditën e sotme me firmë të Ministres së Shëndetësisë, Ogerta Manastirliu dhe është bërë me qëllim parandalimin e infektimeve nga COVID-19.
“Në urdhrin nr.633 datë 1.11.2020 “Për ndalimin e grumbyllimeve në vende të mbyllura apo të hapura” të ndryshuar bëhet ndryshimi si vijon:
- Në puikën 1 të urdhrit, togfjalëshi deri në datën 15.11.2021 zëvendësohet me togfjalëshin “deri në datën 29.11.2021”.
Ky urhdër hyn në fuqi menjëherë dhe botohet në fletoren zyrtare”, shkruhet në vendimin e Ministrisë.
Megjithatë duhet theksuar se ky është një vendim i cili qëndron vetëm në letër, pasi çdo kush në përditshmëri arrin të vë re se si kjo masë nuk zbatohet. Kafenetë janë plot, pa ruajtur distancat, pa maska, janë organizuar ndeshje siç ishte ajo e kombëtares ku të pranishëm në stadium ishin 22 mijë tifozë, koncerte nga më të ndryshme ku ka pasur një prezencë të madhe të qytetarëve.