Besimtarët myslimanë festojnë sot Kurban Bajramin, ndryshe nga herë të tjera për shkak të pandemisë.
Dita ka nisur me faljen e namazit nëpër xhami dhe në sheshet pranë tyre, ndërkohë që të shumtë kanë qenë ata që kanë respektuar distancën si dhe duke vendosur maskë.
RREGULAT QË IU JANË KËRKUAR BESIMTARËVE QË TË RESPEKTOHEN
• Marrja e abdesit të kryhet në shtëpi.
• Të mbahet maska nga çdo besimtar.
• Çdo besimtar duhet të ketë me vete sexhade personale.
• Mbajtja e distancës fizike gjatë faljes.
• Ndalohet përdorimi i abdesthaneve dhe tualeteve.
• Personat me simptoma të sëmundjes nuk lejohen të hyjnë në xhami.
• Hyrja dhe dalja në xhami të mos jetë në grup.
• Të shfrytëzohen materialet dezinfektuese në hyrje të cdo xhamie.