Prej dy muajsh tashmë qarku i Korçës është përfshirë nga një sërë tërmetesh, ku vetëm mëngjesin e kësaj të enjte janë regjistruar dy goditje të tjera.
IGJEUM bën të ditur se dy tërmetet janë regjistruar në orët e para të mëngjesit, konkretisht i pari me magnitudë 2.7 dhe tjetri më i fortë, me magnitudë 3.
Një ditë më parë banorët u përfshin në panik për shkak të tërmetit të fuqishëm prej 4.7 ballë.
Sipas Institutit të Gjeoshkencës, deri më tani janë regjistruar katër lëkundje, ku më e forta ka qenë me magnitudë 4.7 të shkallës Rihter me epiqendër 10 km në juglindje të Dardhës, në orën 16:21.
Për momentin nuk dihet ende nëse ka pasur persona të lënduar apo dëme materiale.
Kujtojmë se tërmeti i fillimit të qershorit la pa shtëpi disa banorë të fshatit Floq.
