Ati i Shenjtë, Papa Françesku ka shtyrë vizitën e tij për në Afrikë dhe njoftoi po ashtu një mbledhje të pazakontë të kardinalëve. Sigurisht që ky zhvillim nuk është aspak i zakonshëm, pasi prej kohësh përflitet për një dorëzim të postit. Kjo edhe pasi kohët e fundit Papa është parë me karrige me rrota për shkak të problemeve me gjurin.
Dorëheqja e një Pape ishte e pamendueshme derisa Benedikti XVI u tërhoq nga posti i tij në vitin 2013, duke argumentuar se nuk mund të vazhdonte më për shkak të gjendjes së tij fizike dhe shëndetit mendor.
Në vitin 2014, një vit pasi zëvendësoi Benediktin, Papa Françesku tha se nëse nuk do ta lejonte shëndeti, edhe ai mund të tërhiqej.