Papa Françesku u bëri thirrje vendeve që të pranojnë refugjatët afganë të cilët, janë duke u larguar nga vendi i tyre që pas marrjes së pushtetit nga talebanët.
Nga Sheshi i Shën Pjetrit në Vatikan, Papa Françesku u lut këtë të diel që personat e zhvendosur brenda Afganistanit, të marrin ndihmë dhe mbrojtje.
“Në këto momente kur afganët po kërkojnë strehim lutem që shumë vende të mirëpresin dhe mbrojnë të gjithë ata që kërkojnë një jetë të re”, u shpreh Papa Françesku.
SHBA më 30 gusht kanë përfunduar tërheqjen e plotë të trupave nga Afganistani pas 20 vitesh të prezencës ushtarake atje.
Vendi tashmë është nën kontrollin e talebanëve dhe shumë afganë po largohen nga vendi, ndërsa nuk janë të sigurt për të ardhmen e tyre.