Instituti i Gjeoshkencave, Energjisë, Ujit dhe Mjedisit ka bërë parashikimin e motit për ditën e sotme në Shqipëri. Sipas IGJEUM, ditën e sotme pritet një ulje e lehtë temperaturash, që do të variojnë në bregdet: 22 / 34 °C; në vendet e ulëta: 20 / 38 °C; ndërsa në vendet malore: 17 / 35 °C.
Për shkak të temperaturave të larta në vend, pritet që të ketë rrezik të lartë për zjarre në Shkodër (jug-perëndim), Kukës (lindje), Lezhë (veri), Dibër (perëndim) dhe Durrës (lindje). Ndërkohë që era pritet të fryjë e lehtë deri në mesatare por do të shoqërohet edhe me pluhur me origjinë nga shkretëtira e Saharasë.