Kombëtarja shqiptare pas disfatës ndaj Izrael, po përgatitet këtë të hënë për ndeshjen e së martës me Islandën që është edhe e fundit për këtë fazë të Ligës së Kombeve.
Humbja e objektivit që ishte vendi i parë në grup në Ligën B, ku ndodhen kuqezinjtë ka ndikuar jo pak në moralin e ekipit kjo edhe për nga mënyra se si u dhurua kjo humbje. Fakti që ndeshja e radhës është pranë ka bërë stafin e ekipit kombëtar që ti rikthehet përgatitjeve dhe seancave stërvitore.
Takimi ndaj Islandës vjen edhe me humbjen e lojtarëve, një prej tyre do të jetë Arlidn Ajeti i dëmtuar në takimin e zhvilluar në Tel Aviv dhe gjendja nuk duket shumë optimiste për të qenë në ndeshjen e së martës në kryeqytet.
E njëjta gjë edhe për autorin e golit të vetëm, Myrto Uzuni i cili me sforco u aktivizua pak minuta në fund aq sa la edhe shenjë, por as ndaj Islandës sulmuesi nuk do të jetë në gjendje të luaj nga minuta e parë.