Është padiskutim një ndër lidhjet më të përfolura të shoëbiz-it shqiptar, ajo mes Egla Harxhit dhe fotografit Aleksander de Basseville.
Ata u bënë të famshëm për marrëdhënien treshe që patën bashkë me një vajzë të quajtur Alesia.
Treshja thyen tabunë duke deklaruar se do të bëheshin një familje e madhe pas lindjes së djalit Luxifer, i cili me sa dukej do të kishte jo një, por dy nëna dhe një baba.
Por pak kohë pas lindjes, ra në sy mungesa e fotove të Eglës me partneren e saj Alesian, teksa në një intervistë të dhënë më pas, Egla deklaroi se marrëdhënia kishte marrë fund, por më pas mori fund edhe raporti i saj me Alexandre-n.
Ky i fundit ka thënë asokohe në intervista se nuk ka raport me nënën e djalit të tij, madje ka deklaruar se ajo nuk e lë as ta takojë të birin.
Mirëpo, siç thotë një fjalë e urtë e shkuar e harruar.
Dyshja e shumëpërfolur duket se ka lënë pas të gjitha keqkuptimet dhe janë rikthyer sërish në krahët e njeri-tjetrit.
Ata janë shfaqur bashkë në një intervistë për “Shqipëria live”, ku u shprehën se kanë mundur të sqarohen, të lënë pas të shkuarën dhe të jenë gati për një fillim të ri.
Alexandri tregoi se vdekja e të atit dhe pandemia e kanë bërë të reflektojë, teksa shtoi se donte të ishte pranë të birit.
“Unë erdha për t’i kushtuar kohë familjes sime. Pas vdekjes së babait në janar unë kuptova se shumë gjëra janë duke ndodhur në botë dhe me këtë çmendurinë e pandemisë unë pashë shumë mundësi dhe folëm me Eglën.”- tha Alexandri.
Ndërsa Egla tha se tashmë i kanë sqaruar të gjitha keqkuptimet dhe se gjërat që kanë kaluar i kanë bërë më të fortë.
“Çdo gjë ka një limit. Rrugëtimi jonë ka qenë kompleks dhe gjithë këto prova që kemi kaluar, mendoj se vjen një moment kur e kupton se duhet të ishin kaluar tani këto gjëra se më vonë. Kemi lënë mënjanë të gjitha keqkuptimet, kemi sqaruar shumë gjëra të pathëna. Një nga gjërat që na ka bashkuar që në fillim është fakti se nuk besojmë tek kjo botë fallco. Mund të duket si shaka, por për ne ka qenë shumë serioze.”
E pyetur për arsyen e ndarjes, Egla tregoi se mes tyre kanë ndodhur shumë keqkuptime për shkak se shumë njerëz kanë ndërhyrë në marrëdhënien e tyre.
“Gjatë rrugës kishte shumë vështirësira dhe njerëz që ndikuan për keq brenda marrëdhënies sonë, që kanë nxitur keqkuptime mes nesh. Gjërat janë vënë si me dorë mes nesh këtë kohë. “