Më 22 shkurt, pedagogët rikthehen në protestë. Kjo pasi nuk po realizohen të gjitha kërkesat veçanërisht rritja e pagës me 50%.
Sindikata e Punonjësve të Universiteteve ftoi pedagogët dhe stafin akademik në një protestë më 22 Shkurt te Korpusi Universitar në orën 12:00. Sindikata e Pedagogëve më herët pati deklaruar se do ketë dhe bojkot të provimeve, por një gjë e tillë nuk ka ndodhur.
Lidhur me kërkesat e vazhdueshme të tyre, prej tetorit qeveria miratoi rritje page me 15%, ku 7% është nga buxheti i shtetit dhe pjesa tjeter nga universitetet. Sipas Ministrisë së Arsimit do të rritet financimi edhe për kërkimin shkencor.