Një shtetas shqiptar është arrestuar nga policia italiane pasi është përfshirë në një konflikt me një person tjetër në lokal dhe më pas ka sulmuar policët.
Sipas medieve fqinje, ngjarja ka ndodhur mbrëmjen e djeshme, rreth orës 20:00, në via Vasco de Gama.
Shqiptari rezulton me precedent të mëparshëm penalë për dhunë.
Kur policia mbërriti në vendin e ngjarjes, gjeti shqiptarin të plagosur.
Pavarësisht gjendjes së tij ai sulmoi oficerët me shkelma dhe kafshime. Njëri prej policëve përfundoi në spital.
Pas disa përpjekjeve ai është neutralizuar dhe është shoqëruar në komisariat.
Ndaj tij rëndojnë akuzat e plagosjes, rezistencë ndaj një zyrtari publik dhe refuzim për të dhënë informacion mbi identitetin e dikujt.