Vendimi që hetimet për ish Ministrin e Brendshëm Saimir Tahiri të shtyheshin sërish me tre muaj ka bërë që ky i fundit të reagojë.
Tahiri nuk ka ndenjur “duarkryq”. Ish ministri ka depozituar një padi te Krimet e Rënda dhe ankimon zgjatjen e hetimeve. Sipas Tahirit, zvarritja e hetimeve po bëhet me qëllim dhe po vonohet drejtësia.
Kujtojmë se Saimir Tahiri ka qenë në hetim prej datës 27 tetor 2017 nga prokuroria e Katania-s ndërsa më në nëntor të vitit 2018, gjykata e Katanias shpalli pafajësinë për ish ministrin e Brendshëm.
Por një gjë e tillë nuk ka ndodhur në Shqipëri, ku hetimet po shtyhen kohë pas kohe.