Ish-ministri i Jashtëm Paskal Milo i ftuar në emisionin “Log” ka komentuar situatën e ambasadores amerikane Yuri Kim me ish-kryeministrin Sali Berisha. Milo e ka cilësuar një gabim të madh sjelljen e ish-kryeministrit Sali Berisha kundrejt ambasadores amerikane Yuri Kim. Ai tha se Kim është thjeshtë përcjellëse e udhëzimeve të SHBA.
“Është gabim i madh nga Berisha dhe të tjerë kur marrin nëpër gojë dhe etiketojnë ambasadoren e SHBA. Ajo është thjesht përcjellëse e udhëzimeve që ka marrë nga qendra e vetë”, tha Milo.
Milo sqaroi edhe rolin e diplomatëve sipas konventës së Vjenës.
“Në bazë të Konventës së Vjenës shefat e misioneve diplomatike dhe diplomatët nuk duhet të ndërhyjnë në punët e brendshme që mund të jetë mënyra e qeverisjes marrja e vendimeve dhe gjithçka që ka të bëjë me politikën e brendshme. Por jemi në rastin kur Shqipëria është vend aleat i SHBA. Aleat në Nato, partnere strategjike e SHBA. Dhe çfarë ndodh në politikën e brendshme të Shqipërisë që ka të bëjë me sigurinë ndërkombëtare, demokracinë dhe korrupsionin këto çështje janë të lidhura dhe me Naton dhe çfarëdo e keqe që të ndodhë cënon sigurinë e Natos ku bën pjesë Shqipëria. Anëtarët e Natos s’mund të rrinë indiferentë kur cënohet siguria, demokracia dhe të drejtat në Shqipëri. Biden tha më parë që çështjet e luftës kundër korrupsionit në Evropë, ku nënkuptonte dhe në Ballkan janë të lidhura me çështjet e sigurisë së SHBA”, tha Milo.