Dega e Partisë Demokratike të Elbasanit ka numëruar një më një të gjithë emrat e personave që kanë firmosur për mbledhjen e Kuvendit Kombëtar të Partisë Demokratike.
Bledi Himçi, sekretari i degës së PD-së në Elbasan, ka bërë me dije se kanë firmosur 272 persona, gjithsej 67% e anëtarësisë.
Pasi u ka lexuar emrat jashtë selisë së PD-së ai i ka theksuar edhe njëherë para mediave për transparencë.
“Të gjithë kanë firmosur me bindje të plotë për të ndryshuar rrjedhën e Partisë Demokratike 272 nga 409, pra 67% e delegatëve të Elbasanit do të jenë në Kuvendin e PD-së në datën 11 dhjetor. Kanë firmosur në vullnet të plotë. Unë do të lexoj emrat e të gjithë delegatëve që do të jenë pjesë e Kuvendit të datës 11. Kanë firmosur me bindje të plotë, pa ndikime. Është turp që të bëhet pis proocesi. Janë kërcënuar për të firmosur? Kanë votuar për të nxjerrë deputet zotin Bardhi. Janë përplasur për të nxjerrë dhe numëruar votat. Nuk kam pasur takime me Bardhin. Ftoj çdo deputet që me votat e anëtarësisë të respektojë vullnetin e anëtarëve të PD. Shumica janë për datën 11”, tha Himçi.