Drejtuesi politik i PS-së për qarkun Korçë, Niko Peleshi tha se ky qark do t’i japë PS 7 mandate. Pas këngës prezantuese, Peleshi u shpreh se 11 maji do të jetë “vula” për Shqipërinë evropiane.
“12 vjet më parë timonin e mori Edi Rama, punuam në çdo cep të Shqipërisë për t’i dhënë fytyrë evropiane. Sot është dita për t’i dhënë vulën ëndrrës së rilinndjes komëbëtare për Shqipërinë evropiane.
Shqipëria është Evropa, shqiptarët janë evropianë. Sot jemi në një fushatë që nuk është vetëm e PS, ndaj sot Shqipëria shikon flamurin kombëtar dhe jo të partive. Sot nga zemra e Shqipërisë dhe shqiptarëve, ne brohorasim dhe i ftojmë të gjithë pa dallim përtej kufirit të partive politike për Shqipërinë evropiane.
11 maji është vula e Shqipërisë evropiane. 11 maji është vula e Shqipërisë Evropiane me Edi Ramën dhe PS. Ne do sjellim 7 mandate nga Korça për fitoren e PS”, u shpreh ai.