Teksa të gjithë po flasin për lidhjen e Ana Lleshit dhe Arsim Abdulit, ky i fundit ka habitur së fundmi me veprimin e tij. Fansat kanë vënë re se Arsimi i ka komentuar konkurrentes më të re të “Për’puthen”, Olës. Ajo po realizonte një video live në Instagram, teksa Arsimi i ka shkruar “Good sound Ola”. Kaq ka mjaftuar që komenti i tij të bëhej kryefjalë në media, ndonëse ende nuk dihet nëse dyshja njihet apo Arsimit i pëlqen konkurrentja e re e emisionit. Ndërkohë, fansat kanë nisur të pyesin se çfarë mendimi ka Ana për veprimin e Arsimit, që me siguri do sqarohet më vonë.
Prej disa ditësh Arsimi ndodhet në Zvicër, ku po qëndron pranë djalit të tij. Ai ka bërë me dije se shumë shpejt do rikthehet në Tiranë për projektin e tij të parë muzikor, si dhe për të sqaruar çdo gjë në lidhje me Anën. Vetë Ana pranoi në një intervistë lidhjen e tyre, por pa dhënë shumë detaje. Nga ana tjetër, Ola iu bashkua emisionit javën që lamë pas dhe mori vëmendjen e të gjithëve pasi shprehu pëlqimin për Andin dhe kishte qenë shoqe me Jasminën dy vite më parë.