Mbrëmjen e djeshme u mbajt ceremonia e “American Music Awards”, që mblodhi disa nga emrat më të njohur të muzikës, të cilët dhuruan performanca të jashtëzakonshme. Por ajo më e shumëpritura ishte e Jennifer Lopez dhe Maluma-s, të cilët nuk zhgënjyen aspak fansat dhe pritshmëritë e tyre.
Dyshja e njohur performuan për herë të parë duetin e tyre të famshëm “Pa Ti + Lonely” dhe i vunë flakën skenës me çdo lëvizje. Performanca e tyre i kishte të gjitha duke nisur nga koreografia, tek dritat dhe kimia mes Jennifer e Malumas. Madje të dy kishin aq shumë kimi, sa organizuesit e AMA-s i janë trembur faktit se numri i tyre mund të rrezikonte censurimin.
Jennifer Lopez kishte veshur një body në ngjyrë të zi, që sigurisht i nxirrte në pah format bombastike dhe si çdo herë tjetër u kujdes që t’i linte të gjithë me gojë hapur me kërcimin e saj.
Performanca e artistëve ka marrë komente të shumta dhe e ka ndarë publikun në dy mendime të ndryshme, ka nga ata që thonnë se ajo ishte më sensuale seç duhej, ndërsa të tjerë thonë se nuk kishte asgjë shqetësuese në të.
Megjithatë nëse ju e keni humbur, mund ta shikoni më poshtë të plotë performancën e Jlo dhe Maluma.
