Një student ka paditur kompaninë Apple Inc duke kërkuar dëmshpërblim rreth 1 miliardë dollarë, duke pretenduar se kamerat e saj e arrestuan pa të drejtë.
Ousmane Bah, 18 vjeç, tha se ishte akuzuar për vjedhje nga dyqanet e Apple në katër shtete amerikane dhe u arrestua në shtëpinë e tij në Nju Jork vjeshtën e kaluar.
Ai beson se algoritmet e Apple janë gabuar pasi kanë lidhur imazhet e hajdutit me emrin e tij. Pasi u kontaktua nga BBC, kompania tha se nuk përdor teknologjinë e njohjes së fytyrës në dyqanet e saj.
Ousmane Bah pretendon se nuk ngjan aspak me hajdutin.
Madje zbuloi se një nga akuzat ishte për vjedhjen e një dyqani të Apple në Boston , një qytet të cilin nuk e ka vizituar kurrë. Pafajësia e tij u vërtetua kur dolën datat ku tregohej se adoeshenti ishte në Nju Jork kur u bë vjedhja.