Izraeli është një ndër vendet që në kuadër të parandalimit të variantit të ri ka ndaluar fluturimet ndërkombëtare për dy javët e ardhshme.
Masat e tjera të vendosura janë një izolim prej të paktën tre ditësh për qytetarët izraelitë që vijnë nga jashtë. Ata nga vendet në zonën e kuqe do të duhet të karantinohen në hotelet e përcaktuar nga autoritetet derisa të kenë një rezultat negativ të testit anti-Covid. Shërbimi i sigurisë së brendshme Shin Bet do të përdoret për të gjetur personat e infektuar.
Kryeministri Naftali Bennett, i cili drejtoi punën e komitetit ndërministror, i justifikoi vendimet me situatën e pasigurisë së shkaktuar nga përhapja e variantit të ri të virusit dhe me nevojën për të të përdorur shumë kujdes, derisa të mësohet më shumë rreth këtij varianti.