Në një kohë që komisioni parlamentar i Ligjeve rrëzoi dekretin e kreut të shtetit Ilir Meta për kthimin e ligjit për përmbaruesit gjyqësor privat, Presidenca ka bërë publike arsyetimin e saj.
Për Presidentin, disa nene të projektligjit paraqesin paqartësi në formulimin e tyre, nuk janë në harmoni me legjislacionin aktual në fuqi, shkaqe këto, që mund të sjellin zbatim të gabuar në praktikë apo keqinterpretim me pasojë cenimin e parimeve kushtetuese të sigurisë juridike, si dhe nismës dhe veprimtarisë së lirë ekonomike.
““Ky ligj nuk përcakton një mekanizëm të qartë ligjor për të evidentuar nevojën reale mbi përcaktimin e numrit të përgjithshëm të përmbaruesve gjyqësor privat, si dhe shtrirjen e këtij shërbimi në të gjithë territorin e vendit.” thuhet më tej në përmbledhjen sqaruese të Presidencës.
Të gjithë arsyetimin e Presidentit mund ta lexoni këtu.