Përfundon sezoni për futbollistin e Juventusit, Nicolò Fagioli. I larguar nga fushë me barelë gjatë ndeshjes së Europa League-s kundër Sevillas, mesfushori italian theu klavikulën dhe do të duhet t’i nënshtrohet një operacioni.
“Nicolò Fagioli, i dëmtuar mbrëmjen e djeshme gjatë ndeshjes Sevilla-Juventus, ka pasuar një frakturë në klavikulën e djathtë – thuhet në njoftimin për shtyp nga klubi i Juventusit – Ai do t’u nënshtrohet testeve të tjera instrumentale në J|Medical, më pas do të kryejë një operacion dhe do të nisë procesin e rehabilitimit,” shkruhet në njoftimin e klubit bardhezi për këtë rast.
Për momentin, nuk është ende e qartë se sa do të duhet të qëndrojë jashtë Fagioli, por flitet për një ndalesë prej të paktën dy muajsh.