E vjedhur në vitin 2015 në Konservatorin e Parmës në Itali, një piano antike e cila soll në Shqipëri me shpresën për tu shitur, do t’i dorëzohet autoriteteve italiane. Ministrja e Kulturës, Elva Margariti, tha se lufta kundër trafikimit të objekteve të kulturës është prioritet.
“Një ceremoni shumë simbolikë. Jo se është akt i vogël por ka simbolikën e një bashkëpunimi në shekuj. Jemi këtu sot të lidhur përmes trashëgimisë kulturore, e cila nuk i përket vetëm Italisë por gjithë botës. Është e rëndësishme që të vlerësojmë këtu sot të gjithë punën që është bërë. Ne kemi një prioritet në ministri që është lufta kundër trafikut të objekteve kulturore. Italia është partner strategjik për ne”.
Ministri i Drejtësisë Ulsi Manja, tha se dorëzimi i pianos së shekullit të XVIII e cila ishte vjedhur në Itali, u shpreh se është një shenjë e bashkëpunimit serioz me një vend mik që është Italia.