Çdo vit, më shumë se 5 milionë njerëz pickohen nga gjarpërinjtë. Sipas statistikave rreth 130 mijë humbasin jetë nga helmi i tyre dhe 400 mijë mbeten përjetësisht me aftësi të kufizuara.
OBSH bën me dije se po merren masa që brenda vitit 2030 të përgjysmohet numri i këtyre viktimave.
Helmimi nga gjarpërinjtë mund të shkaktojë paraliza të rrezikshme që bllokojnë frymëmarrjen, shkakton hemorragji si dhe dëme të përhershme të indeve.
OBSH njofton se në treg ekzistojnë terapi efikase, por janë të pakta vendet që i prodhojnë me cilësi dhe sipas normave të duhura, gjë që ka sjellë edhe rritjen e çmimit të antidoteve të disponueshme.