Një 33-vjeçar është vënë në pranga për trafikim të personave të rritur i cii ishte shpallur në kërkim që tetorin e shkuar.
Bashkë me tre shtetas të tjerë A.Ç. ka detyruar me dhunë një shtetase të pranonte të shfrytëzohej për prostitucion në Itali, duke organizuar trafikimin e saj përmes aeroportit të Rinasit.
Lexo edhe- Zbulohet banda e prostitucionit/ Policia arreston 1 person, 3 të tjerë shpallen në kërkim
NJOFTIMI I PLOTE
Tiranë
Në vijim të operacionit policor të koduar “Return” vihet në pranga një tjetër shtetas.
Kapet dhe ndalohet një person i shpallur në kërkim për veprën penale “Trafikim i personave të rritur”, kryer në bashkëpunim.
Nga Seksioni për Hetimin e Trafiqeve të paligjshme në DVP Tiranë, në bazë të informacioneve të marra në rrugë operative dhe pas një pune të mirëorganizuar , është bërë kapja dhe ndalimi i shtetasit në kërkim:
- A. Ç., 33 vjeç, banues në Tiranë.
Kapja dhe ndalimi i tij u bë pasi Gjykata e Shkallës së Parë për Krime të Rënda Tiranë, më 01.11.2019, i ka vendosur masën e sigurisë “Arrest në burg”, për veprën penale “Trafikimi i personave të rritur”, kryer në bashkëpunim.
Ky shtetas, më datë 06.10.2019, së bashku me 3 shtetas të tjerë, nëpërmjet përdorimit të dhunës, ka detyruar me dhunë një shtetase që të pranonte të shfrytëzohej për prostitucion në Itali, duke e organizuar trafikimin e saj nëpërmjet aeroportit të Rinasit.
Materialet iu referuan Prokurorisë së Rrethit Gjyqësor Tiranë, për veprime të mëtejshme.