Në Vlorë ka nisur sezoni i plazhit. Fundjava me diell e me temperatura të rritura i tërhoqi ata drejt bregdetit për të marrë rreze dielli, e ndonjë prej tyre thotë se e provoi edhe notin. “Super, më pëlqen shumë këtu. Notova, uji është super”, thotë një turiste e huaj.
Ende të pakët në numër, por pushuesit po e shijojnë Vlorën dhe atë çfarë ajo ofron. “Më pëlqen deti. Jam nga Holanda, keni një det shumë të bukur. Është hera e dytë që vij këtu”, thotë një turiste. “Unë jam nga Ukraina. Më pëlqen ky det. Shqipëria është një vend i bukur. Është më bukur se Spanja për turizëm, kështu që ejani dhe shijojeni”, shprehet një tjetër.
Bashkia bregdetare e Vlorës është shndërruar në një prej destinacioneve kryesore turistike të vendit vitet e fundit, ndërsa Shqipëria po synon të këtë turizëm gjithëvjetor nga deti në mal dhe atraksionet e turizmit historik-kulturor.