E ardhmja e Pol Pogba duket e vulosur. Francezi është me një këmbë jashtë Mançester Junajtid, teksa së fundmi në media qarkulloi lajmi se mesfushori ia ka komunikuar vendimin për t’u larguar edhe shokëve të skuadrës.
Kështu, duket se trajneri Ole Gunar Soslkjaer nuk ka ndërmend ta përfshijë në planet e “Djajve të Kuq”. Ekipi anglez do rikthehet sërish në fushë më datë 17 shkurt, ndërsa deri atëherë kanë vendosur të bëjnë grumbullimin dimëror në Spanjë. Mirëpo, me ekipin mungon Pogba dhe vendimi për ta lënë jashtë 26-vjeçarin ka qenë ekskluziv nga tekniku norvegjez, i cili e ka urdhëruar që të vazhdojë rikuperimin nga dëmtimi në Mançester.
Kështu edhe drejtuesit e Junajtid po e konsiderojnë largimin e Pogba, teksa kanë ulur dhe pretendimet për mesfushorin teksa në vend të 185 milionëve, tashmë kënaqet me 150 milionë të cilat sërish janë një shumë e konsiderueshme për dy klubet më të interesuara, Real Madrid dhe Juventus