Kur bëhet fjalë për Neymar, polemikat që ndodhin jashtë fushës përbëjnë lajm më shumë sesa atë që bën në fushë. Sulmuesi humbi mendjen në fund të ndeshjes, duke u ndëshkuar me karton të kuq, bashkë me Djalo, ndërsa sherri mes tyre ka vazhduar edhe në tunelin për në dhomat e zhveshjes, ku vetëm ndërhyrja e stafeve përkatëse ka evituar përplasjen fizike. Sipas RMC Sports, O Ney gjeti një mënyrë shumë të veçantë për t’u qetësuar sapo arriti në shtëpi.
POKER – Lojtari menjëherë ka filluar të luaj një turne pokeri në internet. Diçka për të cilën braziliani është i fiksuar, ashtu edhe kur luante te Barcelona. Sigurisht, jo të gjithë vendosin të fillojnë të luajnë një lojë disa orë pasi u pezullua në ndeshjen më të dobët. Ndërsa e gjithë bota po fliste për kartonin e kuq dhe zënkën në në tunelin e stadiumit, lojtari preferoi të përfshihej… në tryezën e gjelbër, madje edhe me rezultate më të mira sesa në ndeshje.
Siç shpjegon gazeta franceze, O Ney doli mirë në turne, duke fituar një çmim parash prej 1700 euro. Jo saktësisht një shifër që ndryshon jetën për ata që fitojnë 30 milion në vit, por sigurisht diçka që tregon sportin e preferuar të brazilianit. Por në Francë kjo që ka bërë Neymar ka prodhuar polemmika në Francë. Fakti që lojtari vendosi të argëtohet në këtë mënyrë menjëherë pasi u largua me karton të kuq, nuk i ka pëlqyer tifozëve të PSG, të cilët do të preferonin që Neymar të përgatitej psikologjikisht për ndeshjen kundër Bayern Munchen.