Mësohet se strukturat e Policisë Dibër kanë vijuar punën për parandalimin dhe goditjen e paligjshmërisë, me qëllim rritjen e parametrave të sigurisë. Disa shtetas janë proceduar penalisht për vepra të ndryshme penale. Falë reagimit të shpejtë të Policisë është parandaluar grabitja e një bankomati, të një filiali banke të nivelit të dytë në qytetin e Bulqizës, duke u vënë në pranga autorët e dyshuar.
Në zbatim të planeve operacionale në të gjithë qarkun kanë funsksionuar pika kontrolli të lëvizshme, ku janë shoqëruar për verifikim në komisariatet e policisë 20 shtetas. Gjithashtu kanë vijuar operacioni për evidentimin dhe ndëshkimin e personave që merren me organizimin e paligjshëm të lojrave të fatit.
Nga Policia Rrugore ka vijuar monitorimi i rrugëve, me qëllim rritjen e parametrave të sigurisë në rrugë, si dhe këshillon drejtuesit e automjeteve që të mos qarkullojnë pa vendosur zinxhirët në ato akse ku ka prezencë të borës dhe akullit.