Policia e Vlorës jep detaje për gjetjen e 16-vjeçares, e cila ishte larguar nga banesa disa ditë më parë.
Policia njofton se adoleshentja është gjetur në gjendje të mirë shëndetësore, në lagjen “Ujë i Ftohtë”, Vlorë.
Ndërkohë, sipas bluve të Vlorës, gjatë intervistimit me psikologun, 16-vjeçarja ka treguar se është larguar nga banesa, me dëshirën e saj.
Njoftimi i policisë:
Në lidhje me rastin e largimit nga banesa të një shtetaseje të mitur, sqarojmë se:
Shërbimet e Komisariatit të Policisë Vlorë, pas kallëzimit të marrë nga familjarët, më datë 15.01.2022, për largimin nga banesa të vajzës 16 vjeçe, menjëherë kanë nisur kërkimet për gjetjen e saj.
Bazuar në informacionet e grumbulluara dhe veprimet hetimore, nga shërbimet e Policisë, më datë 19.01.2022, u bë e mundur gjetja e 16-vjeçares, në gjendje të mirë shëndetësore, në lagjen “Ujë i Ftohtë”, Vlorë.
Gjatë intervistimit me psikologun, 16-vjeçarja ka treguar se është larguar nga banesa, me dëshirën e saj.
Materialet i kaluan Prokurorisë pranë Gjykatës së Shkallës së Parë Vlorë, për veprime të mëtejshme.