Policia e Lezhës ka vënë në pranga një 57-vjeçar, pasi gjatë një kontrolli në banesën e tij iu gjet një armë pa leje.
Policia tha se bazuar dhe në informacionet e marra në rrugë operative se një shtetas mbante armë zjarri pa leje, ka ushtruar kontroll në ambientet e banesës së shtetasit Rr. K., 57 vjeç, banues në Zejmen.
“Si rezultat, në ambientet e jashtme të banesës së këtij shtetasi, është gjetur e fshehur një armë zjarri automatik, e cila u sekuestrua në cilësinë e provës materiale. Në vijim të veprimeve, u arrestua në flagrancë shtetasi Rr. K., 57 vjeç, banues në Zejmen, për veprën penale ‘Mbajtja pa leje e armëve luftarake dhe e municionit’”, tha Policia.