Policia Rrugore ka treguar nëpërmjet një statusi në rrjetin social ‘Facebook’ se po kryen kontrolle për parandalimin e aksidenteve rrugore dhe rritjen e parametrave të sigurisë rrugore.
Postimi në Facebook
Monitorim 24/7 i qarkullimit rrugor nëpërmjet makinave inteligjente e radarëve automatikë.
Policia Rrugore ka intensifikuar monitorimet me qëllim parandalimin e aksidenteve rrugore dhe rritjen e parametrave të sigurisë.
Monitorime intensive me makina inteligjente dhe radarëve automatikë, në të gjitha akset rrugore dhe në qendrat urbane.
Gjatë fundjavës në të gjithë vendin, janë pezulluar 97 leje drejtimi për shpejtësi dhe 18 leje drejtimi për drejtim të mjetit nën efektin e alkoolit.
Policia Rrugore apelon për të gjithë drejtuesit e automjeteve dhe të motomjeteve që të zbatojnë me rigorozitet rregullat e qarkullimit rrugor, të mos qarkullojnë me shpejtësi mbi normat e lejuara dhe të mos kryejnë parakalime të gabuara, të vendosin rripin e sigurimit, të mos përdorin celularin gjatë drejtimit të mjetit dhe të mos drejtojnë mjetin nën efektin e alkoolit apo në gjendje të dehur, si dhe drejtuesit e motomjeteve të vendosin kaskën mbrojtëse.
Të gjitha akset rrugore dhe qendrat urbane janë të monitoruara 24/7 nëpërmjet makinave inteligjente, kamerave, dronëve dhe aparateve fotografike.
Qëllimi i monitorimeve nuk është shtimi i numrit të masave administrative. Qëllimi i vetëm i Policisë Rrugore është parandalimi i aksidenteve dhe rritja e parametrave të sigurisë rrugore.