Ish-tenistja Ana Ivanoviç, është sulmuar virtualisht nga qyetatët serbë pasi postoi një video të sajën shoqëruar me një këngë të këngëtares shqiptare Dua Lipa. Ajo mori komente të shumta negative prej tyre për zgjedhjen e saj, por ende nuk ka reaguar për këtë situatë. Ivanoviç po promovonte stilin e saj në videon e postuar në Instagram, por të gjithë u fokusuan tek kënga që luhej në sfond.
“Pse Dua Lipa? Një person që urren serbët dhe propagandon Shqipërinë e Madhe..” “Për hir të zotit Ana, pse e prishni bukurinë tuaj me këngët e Dua Lipës?” “A nuk të dhemb shpirti që ajo luajti e zhveshur në kishën ortodokse në Kosovë?”, ishin disa nga komentet e tyre.
Këngëtarja shqiptare Dua Lipa, ka shprehur në çdo rast dashurinë e saj për Shqipërinë dhe Kosovën. Ajo ka postuar më parë edhe hartën e Shqipërisë së Madhe, gjë kjo që irritoi serbët. Jo më larg se dy ditë më parë, Dua ftoi ndjekësit e saj të merrnin pjesë në marshimin që do të mbahet para konsullatës serbe në Neë York, për të dhunuarit gjatë luftës së Kosovës.