Një tragjedi mund të kishte ndodhur në Dibër. 27-vjeçari Elson Ll është vënë në prangat e policisë, pasi ka dhunuar me sende të forta anëtarët e familjes së tij si dhe i ka kërcënuar me jetë. Ngjarja u shënua në fshatin Rreth-Kale, banues në Dibër. Familjarët kanë kërkuar ndihmën e policisë e cila ka shkuar për të neutralizuar dhe për të vënë në pranga autorin.
“27-vjeçari, dyshohet se për motive të dobëta, ka goditur me sende të forta, njerkën, motrën dhe vëllanë e tij të mitur, si dhe i ka kanosur ata, për jetën”,.-informoi sot policia. Mes anëtarëve të familjes së dhunuar është dhe një fëmijë.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Dibër, për veprime të mëtejshme. Djali dyshohet se vuan nga probleme të shëndetit mendor.