Biznesmenëve u prezantohej si përfaqësuese e një organizate të huaj, duke u premtuar projekte të mëdha ndërtimi të financuara prej saj, duke rënë pre e mashtrimit.
Sipas informacion të policisë, një 64-vjeçare kishte arritur të përvetësonte shuma të konsiderueshme parash nga biznesmenë të ndryshëm, duke përvetsuar fondet e tyre për përfitime personale falë këtij mashtrimi. V.P është denoncuar më pas prej tyre, pasi nuk po shihnin projektet konkrete.
NJOFTIMI
Mashtronte biznesmenë, u premtonte projekte të mëdha ndërtimi të financuara nga një organizatë e huaj, vihet në pranga shtetasja.
Seksioni për Krimin Ekonomik dhe Financiar, pas marrjes së kallëzimit nga pronarë të disa bizneseve, se një shtetase, nëpërmjet mashtrimit, kishte përvetësuar fondet e tyre për përfitime personale duke u prezantuar si përfaqësuese e një organizate të huaj, bënë kapjen dhe ndalimin e V. P., 64 vjeçe, banuese në Tiranë.
Kjo shtetase prezantohej si përfaqësuese e një organizate të huaj dhe duke përdorur emrin e organizatës, mashtronte duke përvetësuar shuma të konsiderueshme parash nga biznesmenë të ndryshëm, të cilëve u premtonte financime në projekte të mëdha ndërtimi.
Materialet procedurale në ngarkim të kësaj shtetaseje, do t’i kalojnë Prokurorisë pranë Gjykatës së Shkallës Parë Tiranë, për veprat penale “Mashtrimi”, “Fshehja e të ardhurave” dhe “Mospagimi i taksave dhe tatimeve”.