Presidenti Bajram Begaj dhe familja e tij, këtë të dielë të Krishtlindjes janë pritur nga kryepeshkopi Anastas Janullatos në Katedralen Ortodokse. Mesazhi që përcjell kreu i shtetit për shqiptarët është për më shumë paqe, solidaritet dhe shpresë. “Një festë që përcjell tek besimtarët ortodoksë mesazhet e rëndësishme të sakrificës njerëzore për një botë më të mirë”.
Postimi i plotë
Së bashku për më shumë paqe, solidaritet dhe shpresë! Gjatë takimit me Fortlumturinë e Tij, Kryepeshkopin Anastas Janullatos në Katedralen Ortodokse, urova Kryepeshkopin për festën e Krishtlindjes, një festë që përcjell tek besimtarët ortodoksë mesazhet e rëndësishme të sakrificës njerëzore për një botë më të mirë! Gjithashtu, përfitova nga rasti të uroja Fortlumturinë e Tij, që pak kohë më parë celebroi 50 vjet si Kryepeshkop. Le të jenë këto festa sa më të mbara për të gjithë besimtarët ortodoksë dhe të gjithë shqiptarët!