Kryeministri Edi Rama i pyetur sot për programin politik të PD dhe pretendimin e tyre për të rikthyer taksën e sheshtë, dha një përgjigje epike.
Sipas Ramës programi i PD është si karakteri i liderit të tyre, pa shtyllë kurrizore dhe i dobët.
“Është kohë e humbur që të diskutojmë propozimet e PD pasi në tërësinë e saj është si karakteri i liderit të PD. I dobët dhe pa shtyllë kurrizore por sidoqoftë vlen në parim them, që t’i përgjigjem pyetjes tuaj sepse është diskutim parimor që ndan rrugët dhe alternativat tona. Taksa e sheshtë është taksë për të pasurit, për t’ju dhënë edhe më shumë atyre që fitojnë më shumë dhe për t’ju marrë shpirtin atyre që fitojnë më pak. Taksa jonë që unë e quaj taksim i ndershëm, konsiderohet si koncept është qartësisht një taksë që ka dhënë rezultat. Qoftë në aspektin e moralit, qoftë për të ardhurat. 23% që i referoheni është keqinterpretim, nuk fillon në atë pikë që ju iu referuan. Natyrisht që jemi të vetëdijshëm për nevojën që të bëjmë një rishikim të progresivitetit me synimin që të jemi më të hapur ndaj nevojës së atyre që janë jo në pjesën e sipërme fare por në atë pjesën që ju prekët, kjo do të bëhet bazuar në e para; bindjen se është koha për ta bërë; dhe pa asnjë lidhje me fushatën. Nuk e duam si arsye për të dobësuar karakterin tonë.”, u shpreh Rama.